ياشاسين مراغا
آذربايجان ، مراغا ، ايران ، آذري و توركي شعرلري
تاريخ : جمعه 14 بهمن 1390 | یازار : علي فتحي

دولوب محببتون اي شوخ و دلستان ديليمه

آليب قراريمي الدن وئريب توان ديليمه

كمان قاشون، گؤزون، اوخ كيپريگون، ساچين گؤزه ليم

آتير كمند، چكير ياي گئدير نشان ديليمه

آلاولي سينه مين آهي وجوديمي كول ائدر

اگر سو سپمسه بو چشم خونفشان ديليمه

يوخومدو چاره داياننام هميشه چم خميوه

ولي باتيرمياسان طعنيله تيكان ديليمه

گتير جماليوي قوي سينمه قادان جانيما

سرين سرين نفسونله سو سپ يانان ديليمه

نه قدري گيزله ديرم درد عشقي سينه مده

ديليمده جوشه گلير غم اولور روان ديليمه

مي الستله مستم نه آبدستله پست

كي دگمه ييب اليمه جام و استكان ديليمه

آنا ديليم ائله شيريندي جاندان ايسته ملي

آچاندا من ديل آنام چوخ دئييبدي جان ديليمه

ديليم شيريندي عسلدن اودور كي غم يئمه رم

اگر وورا آريلار نيش هر زامان ديليمه

منم او ترك، كي آديم غزللرين دوزودو

من آذر اوغلويام آذر وئريبدي جان ديليمه

منم او ترك، بخارئيله سمرقندي

باغيشلاييبلا قرا خاليمه ماتان ديليمه

منم او ترك، كي غربتده اللي ايل ياشارام

تجاوز ائيله مز اهواز و اصفهان ديليمه

منم او ترك، كي دالدان چيخاردارام ديليني

قاهاررام انگيني هر كيم ديسه يامان ديليمه

منم او ترك، سوزوم جمله سوزلرين گوزيدو

سوزوم اوزوم كيمي دوز، باغلاما يالان ديليمه

ديلين فضيلتي يوخدور ملاك تقوادي

گئد اوز كماليوه گول گولمه اي فلان ديليمه

يقول اكرمكم عند ربّي اتقاكم

قويوب پيمبر اكرم گوزل بيان ديليمه

هميشه امر به معروف دور منيم هدفيم

اگر كومك ليق ائده حيّ لامكان ديليمه

منافقه دئيرم ال گوتور بو تفرقه دن

گولوب محاسينيمه يازما داستان ديليمه

گلين وئره ك ال اله دشمنين قازاق كوكونو

يئتيرمه زهريلي عقرب كيمي زيان ديليمه

كريمي ام ديليمي رايج زامان ائده رم

توجّه ائتسه آقام صاحب الزّمان ديليمه

 

 

 استاد كريمي مراغه اي       



گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي

يكي از بهترين شعرهاي استاد كريمي كه حالت مناظره مانند دارد و نوعي توجه به جهان اخرت و اون دنيا با حالت طنز و شعر بيان شده است

 

عزرائيل

 

مني مامور ايليوب خالق سبحان حــاج آقا

قبض روح ايتماقا گلديم سني الان حـاج آقا

ويردي مستنطق رحلت منه فرمان حـاج آقا

وقت قورتاردي نفس چكماقا قادر دگوسن

آلورام جانيوي سس چكماقا قادر دگسن

 

جواب مريض

 

آي علي آي ولي آي واي دورن اوغلان اياقا

كيمدي بو بي ادبانه بيله گيردي اطاقا

بو صفتده بشر اولماز باشي بنزير بالاقا

نه سلام ايتدي نه تعظيم عجب هيوره دي

چاتدادي باغريم اماندي بونه بد منظره دي

عزرائيل

كيشي قشقيرما علي يا ولي گورمزله مني

منه مردم ملك الموت ديللر علني

گلميشم من آپارام محضر معبوده سني

داخي بوندان بويانا بير كسه آمر دگوسن

وقت قورتاردي نفس چكماقا قادر دگوسن

 

مريض

 

مني عفو ايله داداش بيلمديم عزرائيل سن

شكر لله سن اوزون بير ملك كامل سن

خدمتون فرضيدي پيك ملك عادل سن

اوتي بير چاي گتورسونلر هله تعجيل ايلمه

صبر هر ايشده گوزلدور بيله تعجيل ايلمه

عزرائيل

 

كيشي اوخشاتما مني قونشووز عبدالكريمه

من بو دنيا سولارين ايچمرم افسانه ديمه

من طلبكار دگولم چوخ ديله توتما سريمه

چوخ قالورسان هله بو ديللره ماهر دگوسن

وقت قورتاردي نفس چكماقا قادر دگوسن

مريض

 

سنه بنزر بيري گلميشدي بير آز بوندان ازل

چوخ خوش اخلاق صداقتلي نظافتلي گوزل

كيميميش او سنه قربان اولوم اي پيك اجل؟

نه ديوم عينا اونون باشي سنون باشيودي

بولمرم اوغـلويدي يا بالا قارداشيويدي

عزرائيل

 

عمو دكتوردي او ، اوغلوم دگي ، يولداشدي منه

قبض روح ايتماقا يولداش ندي قارداشدي منه

خيلي ماهردي بو ايشده آتادان باشدي منه

گوردوم اما سن اونا قوشمالي خاسر دگوسن

وقت قورتاردي نفس چكماقا قادر دگوسن

مريض

دوزدي مامور ايليوبدور سني خلاق كريم

بلكه سن سهو ايليوبسن او ديه ن من دگلم

هله مندن قوجلار وار نه روادور من ئولم

گرچه زحمتدي قيت بير سوروش اوندان صورا گل

آديمي شغليمي گيت بير سوروش اوندان صورا گل

عزرائيل

 

كـيشي آغـريتدي منيم باشيمي بو طول كلام

اللي ميـن ايل جان آلان سهو ايلمز اولما عوام

عمـووي عمــه وي اجداديوي بير بير تانيرام

سن مگر مصطفي خان اوغلي مظاهر دگيسن؟

وقـت قورتـاردي نفس چكماقا قادر دگوسن

مريض

 

من ديديم اوغلومي داماد ايدرم اتمه ميشم

مشهـده كرب وبـلايه گيدرم گيـتمه ميشم

تومني بير قـرانا ويـر مـاقي تركيدمميشم

هـــله آغـزيم منيم ايستور تازاجا آشه يته

دگول انصاف بو تئز لقدا باشيم داشه داشه يته

هله اگلش من ئولوم هر نه سورسن گتيسين

منقل حاضردي اگر نشئه چكر سن گتيسين

آبجوي پيپسي كولا كنياك ايچرسن گتيسين

مندن اوچ يوز تومن آل وير منه مهلت ايكي ايل

باشا باش ايـليوم آســوده عبـادت ايكي ايل

عزرائيل

 

كيشي سارساخلاما نشئه ندي ترياك ندي

آبجو نمندي ايشك كيشي كنياك ندي

قانميوبسان هله مردار ندور پاك ندي

قانماسان چون ايله بير فاسق فاجر دگوسن

وقت قورتاردي نفس چكماقا قادر دگوسن

من او مــامور اداره دگــولم رشـوه ييم

بش تومن پولدان اتور بير كسي بدبخت ايليم

بله آســوده اوزانما عـمو مــن گتمه ليم

ناقصون واردي مگر گيتماقا حاضر دگوسن

وقت قورتاردي نفس چكماقا قادر دگوسن

مريض

 

ناقصيم چوخدي عزيزيم اولا مــشگلدي تمام

سن گيدوب بنده دن عرض ايله خداونده سلام

اوزي انصاف ايلسون وار ايكي اوچ خردا بالام

هـــله من تازه جوانم ايله گون گورمه مشم

دنيادان دويمامشام بير ايله كيف سورمه ميشم

عزرائيل

 

كيمدي ايشك كيشي غلمان ويره يا حور سنه

حـوري معروفه دگول كه بـاش اگه هر گلنه

سوخاجاق مالـك دوزخ گـتووه اودلي شنه

غـرق سن معصيته طيب و طاهر دگوسن

وقت قورتاردي نفس چكماقا قادر دگوسن

مريض

 

ديمه لي ماك دوزخده تيكـوب گوز يولـوما

گور بو الله نچه مامور دوزوب صـاق صولوما

بير نـفر اينجينده بولـمز مني منـت پولوما

پولونان مالك نيرانيده آرام ايدرم

گيدرم جنته حوريلريده رام ايدرم

عزرائيل

 

داخي بوندان صورا مالك دگيسن اوز پولووا

گـورسن اهـل عيالون دوزلوب صاق صولوا

ييه جاقلار ، ايچه جاقلار، سچاجاقلار يالووا

بو ايوين دخلينه ياخرجينه ناظر دگوسن

وقت قورتاردي نفس چكماقا قادر دگوسن

ايش اورا ايتدي ايو اهلي هاموسي آغلاديـلار

حاجينين دستمالينان گوزلريني باغلاديــلار

بعضي قاچدي كفنه بعضيسي سو داغلاديــلار

دست قدرت حاجينون تختيني تابوت ايلدي

ناز پـرور بدنين جانـوره قـوت ايـلدي

دعوا باشلاندي مال اوسته حاجينون واي حالنا

باجي قـارداشه ديـور :ده ده ويــن سقالنا

كــوره كن گه يالـنا سـچار گـهي يوپالينا

نچه گوندن صورا ارواد گيدوب اوزگه اره

بير نفر گـلدي تصاحـب ايلدي سيم وزره

خوش اوشخصه اوزي اعماليني اصلاح ايليه

ارجعي لفظين ايشيد جك اوزي لبيك ديه

خــلعت آخرتي اگـنينه عــزتله گـيه

روبر اولدي همان لحظه كه عزرائيليلن

گوله عزرائيلي گورجك آلا جانين گليلن

اگه بونان سنين خوشين گلدي منه پيقام ياز گنان



گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي

مرضي دردي بدندن بدر ايلر سرعين

سني بير عمرگوزل بختور ايلر سرعين

ايلده بير دفعه گلوب چيم گوزليم بو سولارا

نظر ايله بو گلستاندا گزن آهو لارا

حُسنيده حوري غلمان چاتا بيلمز بو لارا

سني عمرونده مبارك نظر ايلر سرعين

سرعين ذوق صفا سيروسياحت يردي

خوش پذيراليق ايلر خلقه ضيافت يردي

گزملي سويملي تفريح وظرافت يردي

غموي غصه وي دلدن بدر ايلر سرعين

سرعين گُللر آچوب رنگ به رنگ ايگلمه لي

دسته دسته بالا جيرانلاري وار ايستمه لي

سوباي السون سني خونين جگر ايلر سرعين

هر نه شدٌ تلي مرض وار سرعين ايلر علاج

اودي كي اي بالا بازاري تاپوب بيله رواج

بير تومن مرحمت ايت عكسوي سالسين فتوراج

سني بير عكسيله خوش مفتخر ايلر سرعين

(ساري سو) راحت ايدير جمله مرضدن بدني

(قره سو) بيل قره گوندن ايدر آسوده سني

(ژنرال)آي بالا مرمر تك آغاردار قره ني

دوش (گامشلار گولونه)گور نه لر ايلر سرعين

چيمه سن (بش باجيلاردا)گوره سن لذّتيني

توكه سن (قهوه سويوندا)جانوين زحمتيني

گيت(پهينلي سويا) چكمه حكيمون منّتيني

پينييسليندن سنه آرتوق اثر ايلر سرعين

(بيله دره)سويون ايچ معدوه درماندي او سو

اونا چاتماز كوكا كولا كاندا پپسي اسو

خور گون سنديري آبگوشت ييه سن آلتي طوسو

بله فكر ايلمه خرجون هدر ايلر سرعين

اي كريمي بالا سن اُت سرعيندن نظرون

سنه يوخ فايده سي پهلوينون رامسرون

گيت چورك فكرينه دوش يوخدي خبردن خبرون

كاسبا پولسوزا  يولداش ضرر ايلر سرعين

 

 

منبع : نوشته حاج ميرزا حسين كريمي مراغه اي از كتاب رنگارنگ استاد .



گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي

بسم الله الرحمن الرحيم

ايندي

 

كونول غم چكمه يار آچميش جماليندن نقاب ايندي

خجالت‌دن اوزون تورپاغه سورتور آفتاب ايندي

او سرو نازنينين قامتي سانكي قيامت دير

كي سالميش خاطير احبابه شوق انقلاب ايندي

طواف كوي جانان قصدين ائتميش عشق چاووشي

بو يوزدن آذري اوغلو اولوبدور فيض‌ياب ايندي

هميشه اهل عشقي بي‌رياليق نيك‌نام ائيلر

نولا، عالم قيلور اهل ريادن اجتناب ايندي

اوميد وصلينه بير نازنينه اعتماد ائتديم

بو شيدا كونلومه هجرينده ائيلر مين عذاب ايندي

دم اورمش يوسف شادي زليخاي محبتدن

اولور معشوقه سيندن خسته عاشيق كامياب ايندي

اول آهو گوزلونين گويا كي گورموش زلف پرچينين

قاچوب دشت خطاده گيزله‌نوبدير مشكناب ايندي

مريده بنده‌ي پير مغانم، عشق فيضيندن

نه ايسترسه‌م، اولور ميخانه‌لرده مستجاب ايندي

من اول ساغرپرست و رند و عياش كهن سالم

منه حرمت قيلوب تعظيم ائدر جام شراب ايندي

سيزينله بيز گوروش‌مگ آرزوسين چوخدان ائتميش‌ديك

داريخما، فطرته يازسن‌ده، واحد، بير جواب ايندي

علي آقا واحد

 

 



گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي

بولبولون ناله‌ي جـانسوزينه باعث گـول ايميـش

گوله هم عاشيقِ سـرگشتـه اولان بـولبـول ايميـش

من دئيرديم كي، او مه مهر و وفـا صـاحيبي‌ديـر

دئمه بس، مهر و وفـادن او اوزي غافيل ايميـش

داشا تـأثيـر ائلـه‌دي آهيــم اوديـله يـاندي

بير اثر ائتمه‌دي اول شوخه، نـه آهـن‌دل ايميـش

پيرِ ميخانه سـوزون شيـخ قبول ائيلـه‌دي دون

آدم اولادي‌دير، حقّا كي، هلـه قـابـل ايميـش

يوخدور عاشيق، دئدي اول مه، منه سندن غيري

گيزلي منـدن، دئمـه، بيگانه‌لـره مايل ايميـش!

عشقه دل ويرمز ايديم، بارِ غميـن بيلسـه‌ايـديـم

نه بيليم، عشقدن عشّاقـه بـلا حـاصيـل ايميـش؟

واحـدا، مشكـل ايشـه خلقـده صبـر اوسـا اگر

اولو تدريج ايله آسان، هـر ايـش مشكل ايميـش

علي آقا واحد

 

لعلين خيالي
 در ادامه مطلب بخوانيد     *    matlabin galaninda okhoyon

                     مطلبين قالانيندا اوخويين


آردینی اوخو
گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي

ديديم: اي غنچه دهن، كونلومي قان ائيله‌ميسن!

ديدي: «بي‌جا يئره عشقمده فغان ائيله‌ميسن»!

ديديم: انصاف ائيله اينجيتمه مني عاشقينم...

ديدي: «گئت!،سرّيمي دنيايه عيان ائيله‌ميسن»

ديديم: آغلاتما مني سرو بويون شوقينده!

ديدي: «گوز ياشيني بيهوده روان ائيله‌ميسن»

ديديم: آخر گوزليم، باغ و بهاريم سنسن

ديدي: «سن عمريني حسرتله خزان ائيله‌ميسن»

ديديم: آز چكمه‌ميشم گوزلرينين حسرتيني

ديدي: «اؤز كونلوني يئر سيز نگران ائيله‌ميسن»

ديديم: عشقينده اسيرم، منه بس خيري نه‌دير؟

ديدي: «اولده بو سوداده زيان ائيله‌ميسن»

ديديم: عشق آتشي نيلر منه؟ قورخان ده‌گيلم

ديدي: «بيچاره يانارسان! نه گومان ائيله ميسن»؟

ديديم: اي گل! من ازلدن‌ده گوزه‌ل عاشقيم

ديدي: «سن روحيني عشق‌ائيله جوان ائيله‌ميسن»

ديديم: هر گون سر كوي‌ينده دولانماقدر ايشيم

ديدي: «واحد، نه گوزه‌ل يئرده مكان ائيله‌ميسن»

علي آقا واحد


 



گؤنده ر 100 درجه کلوب دات کام گؤنده ر     بؤلوم لر:
تاريخ : جمعه 14 بهمن 1390 | یازار : علي فتحي
گوزلرينين قاره سينه !
سوگيليم زولفون توكوبدور گينه اول شانه سينه
قوربانام زولفونه هم زولفو گزه ن شانه سينه
گئجه گوندوز گزرم دلبريمين كوييني من
... چونكي يوخ منده لياقت گئدم اول خانه سينه
داليسيجان دوشرم فيكر و خيال ايليه رم
دوشجكدير پس هاچان سايه م اونون سايه سينه
حوري جنت ده گرك دير گورورم حوري ني من
تا كي گوزلر ساتاشير گوزلرينين قاره سينه
دوزدي غمزه اوخونون ياره سي كار ائتدي منه
لاكين آرزوم بو دي كي مرهم اولوم ياره سينه
من گونش اولسام اگر سنده گرك مهپاره
چونكي يئتمز اول گونش سئوديگي مهپاره سينه
شاعير: اميد الهامي علمداري


گؤنده ر 100 درجه کلوب دات کام گؤنده ر     بؤلوم لر:
یارپاق لار: [1]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :