عشقين تمام نشئه‌سي ديوانه ليكده‌دير

ميخانه‌نين ملاحتي مستانه ليكده‌دير

جاهل‌لر ايله عارفين اولماز علاقه‌سي

حال اهلينين تكاملي فرزانه ليكده‌دير

لعلين خيالي كونلومه دولسا، عجب ده‌گيل

گيزلين خزينه‌نين چوخي ويرانه ليكده‌دير

يئتمز وفاسي آخره نامرد اولان‌لارين

شخصين بوتون ديانتي مردانه ليكده‌دير

واحد! اگر چي صنعته قيمت وئريرسه خلق

شعرين ده قدر و قيمتي دردانه ليكده‌دير

واحد

گؤنده ر     بؤلوم لر: